إحنا مين؟

تيمة بدأت في ٢٠١٩ كمساحة خفيفة ومريحة عشان نأكد إننا مش نسخ من بعض، وإن تفضيلاتنا مش لازم تكون شبه بعض. بنحاول نكسر النمط بأننا نصنع كل قطعة بإيدينا، بتصميمات تناسب اختلافنا، وبنستخدم خامات من الاستانلس ستيل عشان تعيش معاكِ عمر طويل.

وعلى مدار 7 سنين بنينا ثقة وود ومساعدة مع عملائنا. في سنة 2025 فقط، أكتر من 9700 شخص اشترى مننا بإجمالي 15369 قطعة.

مهمتنا:

نقدم قطع يدوية فريدة تعبر عن التميز والاختلاف، ونضمن إن كل واحدة تلاقي حاجة تناسب ذوقها الخاص.

رؤيتنا:

نكون الوجهة الأولى لكل اللي بيحبوا الإكسسوارات اليدوية وبيقدروا الجودة اللي بتدوم.

هدفنا:

نستمر في تقديم تصميمات متنوعة تناسب كل الأذواق، ونساعد كل واحدة تعبر عن نفسها بحرية.

ليه تختارينا؟

لأن تيمة هي التفضيلات اللي بتتكرر في اختياراتك، إنجذابك الدائم للمصنوعات اليدوية، اختيارك للفستان الأسود كل مرة، وحبك للسلاسل البسيطة بألوان هادية. في تيمة هتلاقي دايمًا إكسسوارات تناسبك أو تقدري تصنعيها بنفسك.

ليه اخترنا اسمنا "تيمة"؟

اخترنا اسم "تيمة" لأنه بيعبر عن فكرة التفضيلات اللي بتتكرر في حياتنا واختياراتنا اليومية. كل واحدة فينا ليها تيمة خاصة بيها، سواء في اختيار الإكسسوارات أو الألوان أو حتى التفاصيل الصغيرة اللي بتعبر عن شخصيتها. تيمة هو المكان اللي هتلاقي فيه نفسك وتعبري عن ذوقك بطريقتك.